Schweiz Suisse Svizzera Svizra?

[kangoo]

Original geschrieben von Orbitoz
Ich weiss... ha sälber mal s'Vergnüege gha, anere Basler-Fasnacht so Schnitzelbänk azlose

Aber genau so ergahts eu Basler ja in Züri au

Weisch, ich red jo Zuger/Lozärner Dütsch. Und wenn das d'Basler ghöret, denn bini eh grad als Zürcheri abgstämplet. Die möchet do kei Unterschied...
(natürlich nid alli, die wo ich bis jetzt känneglehrt ha, nid dass sich do no öper agriffe fühlt)

[Orbitoz]

Sötted mer nöd au no es paar so typisch-kitschigi Japaner-Klische-Bilder ufelade da? Matterhorn, Heidi und Peter, Milka, Toblerone und so?

[Orbitoz]

Original geschrieben von kangoo
Weisch, ich red jo Zuger/Lozärner Dütsch. Und wenn das d'Basler ghöret, denn bini eh grad als Zürcheri abgstämplet. Die möchet do kei Unterschied...
(natürlich nid alli, die wo ich bis jetzt känneglehrt ha, nid dass sich do no öper agriffe fühlt)

Ich has no vill vill schlimmer: ich bin ime Aargauisch-Baslerische Regiment iteilt! Nach 4 Wuche WK säged mir alli Zürcher, ich tüegi aargauere (zwoi säge) und im WK säged alli, ich hebi e züri-schnurre

[kangoo]

Original geschrieben von Orbitoz
Ich has no vill vill schlimmer: ich bin ime Aargauisch-Baslerische Regiment iteilt! Nach 4 Wuche WK säged mir alli Zürcher, ich tüegi aargauere (zwoi säge) und im WK säged alli, ich hebi e züri-schnurre

und du bisch? Zürcher oder Aargauer?

[Orbitoz]

Viel schlimmer: Winterthurer!

Aber mir bewached immerhin s'Tor zum wilde Oschte

[kangoo]

Aber Winterthur isch kei Kanton, also bisch halt glich "Zürcher"

[litework]

Original geschrieben von Goofy
Hey du Chäs Chüechli,
hend ja wieder mal Glück gha das euä Fürscht nöd abghaue isch, suscht hetted mir eu ja no müesse igmeindä.

naja, ob ma das wörklch als Glück bezeichna ka...

[Basilea]

Original geschrieben von Orbitoz
Sötted mer nöd au no es paar so typisch-kitschigi Japaner-Klische-Bilder ufelade da? Matterhorn, Heidi und Peter, Milka, Toblerone und so?

Bitte nit!
Z Basel git's jetzt sone Poschtcharte, äxtra für Japaner und Co., Stadt mit Münschter und als Hintergrund s Alpepanorama !

[boogy76]

Original geschrieben von Basilea

Z Basel git's jetzt sone Poschtcharte, äxtra für Japaner und Co., Stadt mit Münschter und als Hintergrund s Alpepanorama !

Was?? Goht's no????

[creedence]

E Zürcher Witz weit Dir läse? Gäääääärn

Es chlises Affli geit düre Urwaud, da triffz ufnes chlises Vögeli. Z
Affli fragt: "Du Vögeli, was machsch du i de Ferie?" Z Vögeli seit:
"Mi Mueter cha flüge, mi Vater cha flüge, ig cha flüge. Ig gloub mir gö
ga flüge."
Z Affli geit witer u trifft imene Fluss e Fisch. Z Affli fragt: "Du
Fisch, was machsch du i de Ferie?" Dr Fisch seit: "Mi Mueter cha
schwümme, mi Vater cha schwümme, ig cha schwümme. Ig gloub mir gö ga
schwümme."
Z Affli geit witer u trifft es Krokodiu. Z Affli fragt: "Du Krokodiu,
was machsch du i de Ferie?" Z Krokodiu seit: "Mi Vater het e grossi
Schnure, mi Mueter het e grossi Schnure, ig ha e grossi Schnure. Ig
gloub mir gö uf Züri."

:LOL:

[boogy76]

[Leo]

Original geschrieben von creedence
E Zürcher Witz weit Dir läse? Gäääääärn

Es chlises Affli geit düre Urwaud, da triffz ufnes chlises Vögeli. Z
Affli fragt: "Du Vögeli, was machsch du i de Ferie?" Z Vögeli seit:
"Mi Mueter cha flüge, mi Vater cha flüge, ig cha flüge. Ig gloub mir gö
ga flüge."
Z Affli geit witer u trifft imene Fluss e Fisch. Z Affli fragt: "Du
Fisch, was machsch du i de Ferie?" Dr Fisch seit: "Mi Mueter cha
schwümme, mi Vater cha schwümme, ig cha schwümme. Ig gloub mir gö ga
schwümme."
Z Affli geit witer u trifft es Krokodiu. Z Affli fragt: "Du Krokodiu,
was machsch du i de Ferie?" Z Krokodiu seit: "Mi Vater het e grossi
Schnure, mi Mueter het e grossi Schnure, ig ha e grossi Schnure. Ig
gloub mir gö uf Züri."

:LOL:

[kangoo]

jaaaa, jetzt chömet ändlich die schöne Bilder vo Basel (guet, die meischte wärdet wahrschindlich gar nid versto um was es do got )

[boogy76]

S'schönschte Stadion in dr Schwiiz...

[choulette]

Hey, kuuuuul! Sind ja doch no es paar, wo da zäme chömed!

Aber Boogy, das isch ja grässlich! Im Aargau schaffe!
na, ja, no schlimmer wärs ja im Aargau wohne und jede samschtig euses niederdörfli überschwämme...