Schweiz Suisse Svizzera Svizra?

[Goofy]

Original geschrieben von choulette
also vom chreis vier muess i ja kei bildli poste, dä gseht mer jedes jahr am 1.mai im fernseh

so en Stadtfüehrer nur für de Chreis 4 währ doch was

[Basilea]

Hallo, wo seid ihr alle?

Wir können doch nicht zulassen, dass wir sang- und klanglos in der Versenkung verschwinden!

[Orbitoz]

Das tüend mir nöd!

[Basilea]

Original geschrieben von Basilea
Hallo, wo seid ihr alle?

uups, do han jo us luuter Gwohnheit hochdütsch gschribe
also do d Uebersetzig für die wo's nit verstönd

Wo sind er alli?
Mer chönd doch nid zueloo, dass mer eifach so i der Versänkig verschwinded!


Dangge Orbitroz für d Mithilf

[boogy76]

*schieb*

Z'Basel isch im Momänt soviil los....do bliibt kei Ziit zum Poste

Ahjo:

Ich ha am Do e wunderbare Obe g'ha...Gardi Hutter live...isch das toll g'seh!!

[Schiffli]

Ahoi zäme!

Sodeli, au uf d gfohr hi mich unbeliebt z mache, grüessi mol alli Mit-Aargauer do

[choulette]

z'züri isch theaterspektakel. diä halb stadt isch uf de Landiwiese. Isch au genials wätter

[Goofy]

Au mit de Gfahr das ihr mich jetzt zämestuched.

Ich han de zur Zyyt grassierendie latenti Rassissmus satt i de Schwyz, es isch für euses Land nöd würdig und e Schand.

Ufruef a alli Schwyzerbürger

wähled d'Secondas in Nationalrat, mir bruched dä breiteri Horizont. Nöd eifach um däne en Bonus z'gä sondern will, wennd ihr ehrlich sind, sind mir alli es bizeli Usländer. Wer het kei Usländischi Wurzle i sinere Verwandschaft ? Ebä

Secondas Plus Liste 15

IG Secondas

[seschix]

Wieso soll ich Secondas in dä Nationalroot wähle wen's doch schoo Zürcher dört hät...?

[choulette]

Second@s

Viva

[Orbitoz]

Ob jetzt die Secondas-Lischte gwählt wird oder nöd... es gaht doch vorallem drum, zum Blochers, Mörgelis, Schlüers und anderi SVP-Stinksochke z'verhindere.

Ich wähle stur links (au wänns deht au vo Schnurris wimmlet)... so nachem Motto: wehret den Anfängen.

(Falls sich öpper verletzt fühlt dur mis Statement, sorry, isch mini persönlichi asicht)

[Goofy]

Original geschrieben von seschix
Wieso soll ich Secondas in dä Nationalroot wähle wen's doch schoo Zürcher dört hät...?

ähm ja - und d'Basler sött me usbürgere

[Goofy]

ich hoffe das ihr au so fliessigi Stimmbürger sind wie ich

und wo ich mir so Gedanke gmacht han, und diä verschideni Parteiprogramm gläse han (de reinschti Horror mängisch ) Find ich d'Second@s hend e guets Programm. Klar nöd es allumfassends wie die grosse Parteie aber sie versuechet nöd eusi Usländer (jede 5 Iwohner isch en Usländer gemäss Statistik) z'ghettoisiere und uszschlüse.

Vorallem sie fanged dete a mit de Integration wo's au nach minere Meinig am wichtigschte isch - i de Schuel.

Ich liebe d'Schwyz und vorallem eusäs Multikuliti und befürchte leider das d'SVP mit ihrer Neipolitik und de vestecktig Rassissmus immer mehr Fuess fasst und das hauptsächlich will vili gar nöd go Stimme gönd.

Ich stimme das mal fürd d'Second@s will ich sälber au eine bin. (Muetter sids)

[Zurriburri]

Ich wähle die SVP.........

[Orbitoz]

Original geschrieben von Goofy

Ich liebe d'Schwyz und vorallem eusäs Multikuliti und befürchte leider das d'SVP mit ihrer Neipolitik und de vestecktig Rassissmus immer mehr Fuess fasst und das hauptsächlich will vili gar nöd go Stimme gönd.

Das mag i ebe a dem Land au - öises Multikultige, ja sogar irgendwie d'Basler

Nei, ernscht: mängisch bini mir nöd so sicher, ob die Integrationsprogramm würkli öppis nützed, wänn sich die verschiedene Kulture sälber "getthoisiered" und under sich bliibe wänd.

Wänn scho, da häsch rächt Goofy, müesst so öppis i de Schuel afange - ich lueg mer jedefalls die Lischte und dene ihres Parteiprogramm mal ächli gnauer ah.