PDA

Archiv verlassen und diese Seite im Standarddesign anzeigen : Schweiz Suisse Svizzera Svizra?


Werbung

Seiten : 1 2 3 4 [5] 6 7 8 9 10 11

Zurriburri
28-09-2003, 17:10
[QUOTE]Original geschrieben von Basilea


:rotfl: Isch no lang gange, bis die erschte Militärgschichte cho sind. Aber isch scho guet, s git glaub nüüt schwiizerischers als das! ;)
[/QUOTE]

http://www.swisscastles.ch/Vaud/morges/photos/guisan.JPG

Orbitoz
28-09-2003, 17:12
Mir händ eus aber au lang zrugghalte ;)

Zurriburri
28-09-2003, 17:25
http://www.checkpoint-online.ch/CheckPoint/Images/A-ArtillerieM-109-KAWEST-2.jpg

Basilea
29-09-2003, 12:06
:rotfl:
Liebe Zurri, ich glaub das nützt au nüüt meh, wenn er die grosse Gschütz uuffahred!
O-Ton Beni Thurnher geschter: "Züri mit de Tabälleplätz acht und nüün nöd grad e Fuessballhochburg"! :tröst: :D

Orbitoz
29-09-2003, 18:15
Jaja, ich has au ghört Basilea - mir wüsseds langsam au :D

Das mit dere Kanone (M-109 KAWEST wänn ich bitte dörf!) isch en insider zwüsched em Zurri und mir gsi ;)

Zurriburri
29-09-2003, 23:29
So, Zurri hat seinen Wahlzettel unterschrieben und morgen geht das Couvert auf dem Postweg Richtung Wahlbüro............:D

Orbitoz
30-09-2003, 17:24
Ich nime mal ah, das isch i dim Fall sicher d'Lischte 1 gsii, Zurri ;)

Basilea
30-09-2003, 19:11
Bi und isch es no schwirig, mir hend numme no fümf Nationalrööt! :heul:
Da mues mer sorgfältig usepicke, ich wird wohl wider panaschiere und kumuliere, aber bi fümf Sitz isch mer do jo au schnell fertig! :D

Orbitoz
30-09-2003, 20:17
Ich weiss gar nöd, wievill das bi öis (Kt. Züri) kandidieret :schäm: Jedefalls sinds über 25 Lischte wo's git.

Aber kumuliere und panaschiere tuen i au immer :D Ich wähl ehnder nach Person als nach Partei. Notfalls schriib ich mich zweimal uf die läär lischte :)

Goofy
30-09-2003, 21:59
[QUOTE]Original geschrieben von Orbitoz
Notfalls schriib ich mich zweimal uf die läär lischte :)[/QUOTE]

Yeah ! Orbi for Präsident ! :anbet:

Zurriburri
30-09-2003, 23:29
[QUOTE]Original geschrieben von Orbitoz
Ich nime mal ah, das isch i dim Fall sicher d'Lischte 1 gsii, Zurri ;) [/QUOTE]

.......:ja:........:d: ..............:D

Goofy
01-10-2003, 22:13
ich schmeiss d'Lischte 15 ine

[email protected] rulez ! :d:

Orbitoz
01-10-2003, 22:14
Ich au, Goofy! :d:

Die überzüüged mich am meischte.

Zurriburri
01-10-2003, 22:34
[QUOTE]Original geschrieben von Goofy
ich schmeiss d'Lischte 15 ine

[email protected] rulez ! :d: [/QUOTE]

Än Top-SP-Wahltrick..............:D

Goofy
01-10-2003, 22:36
[QUOTE]Original geschrieben von Orbitoz
Ich au, Goofy! :d:

Die überzüüged mich am meischte. [/QUOTE]

das freut mich usserordentlich. :freu:

ich hoffe die schaffets in Nationalrat. Es sind wohl die einzige wo's blicked wie meh Zuekunft gestaltet. :d:

Ich bruche kein Nationalrat für mich aber für eusi Chind. Die bruched e Zuekunft. :anbet:

Orbitoz
01-10-2003, 22:39
Ich han dere wo uf de Lischte 15 obe staht vorgeschter es Mail gschickt. Und voll antwort druf übercho. Das isch kei SP-Propoganda, Zurri, sondern fairs politisiere.

Zurriburri
01-10-2003, 22:47
[QUOTE]Original geschrieben von Orbitoz
Das isch kei SP-Propoganda, Zurri, sondern fairs politisiere. [/QUOTE]

Logo, und drum fordereds au d'Abschaffig vo Ibürgerige a dä Gmeindsversammlig...... Das söll än reine Verwaltigsakt werde und i de Verwaltig hocked SP Lüt.... Zahle chans de Stührzahler.............

LISTE 15 = ANTIDEMOKRATE!!

Goofy
01-10-2003, 23:07
[QUOTE]Original geschrieben von Zurriburri
Logo, und drum fordereds au d'Abschaffig vo Ibürgerige a dä Gmeindsversammlig...... Das söll än reine Verwaltigsakt werde und i de Verwaltig hocked SP Lüt.... Zahle chans de Stührzahler.............

LISTE 15 = ANTIDEMOKRATE!! [/QUOTE]

:dada:


hey und d'Russe chömmed au irgend wenn emol - gäll
:rotfl:

Basilea
01-10-2003, 23:09
[QUOTE]Original geschrieben von Zurriburri
Logo, und drum fordereds au d'Abschaffig vo Ibürgerige a dä Gmeindsversammlig...... Das söll än reine Verwaltigsakt werde und i de Verwaltig hocked SP Lüt.... Zahle chans de Stührzahler.............
LISTE 15 = ANTIDEMOKRATE!! [/QUOTE]

Das schtimmt nid eso. Statt Gmeindsversammlig söll es gwählts Iibürgerigskomitee d Gsuech prüefe und entscheide. Isch wohl sicher i grössere Ort vernünftiger. Oder kennsch du die Bewärber in diner Gmeind alli persönlich?

Zurriburri
01-10-2003, 23:18
[QUOTE]Original geschrieben von Basilea
Oder kennsch du die Bewärber in diner Gmeind alli persönlich? [/QUOTE]

Ich käne Politiker au nöd persönlich und trotzdem wähli si..........

A äusere letschte Gmeindversammlig sind alli ibürgeret worde.... Über alle sdäfs s'Volk bestimme, nur nöd über Ibürgerige......?!?!?!?!?!?

Völlige Blödsinn........... Demokratie isch nunemal so.... s'Volk beschtimmt...... BASTA!!

Zurriburri
01-10-2003, 23:25
[QUOTE]Original geschrieben von Goofy

:dada:

[/QUOTE]



Lies doch emäl secondos ihres Programm......

Sie motzet, dass secondos schlechteri Schuelbedingigä hättet.......

Wo sich das bitteschön dä Fall????

Ihnerä Klass, wo 90% Usländerchind sind, sind Bedingigä nöd schlechter, sondern schlichtwegs zvil Usländerchind...........


[QUOTE]Original geschrieben von Goofy

hey und d'Russe chömmed au irgend wenn emol - gäll
:rotfl: [/QUOTE]

Dä einzig wo no i dä 80er "Romantik" läbt, bisch du...

Wie schomal erwähnt... diä gröscht secondo Gruppe sind Ex-Jugoslawe.........

Ei einzige isch bi dä secondos uf dä Lischtä...... än Witz isch diä Lischtä

Basilea
01-10-2003, 23:28
[QUOTE]Original geschrieben von Zurriburri
Ich käne Politiker au nöd persönlich und trotzdem wähli si..........
A äusere letschte Gmeindversammlig sind alli ibürgeret worde.... Über alle sdäfs s'Volk bestimme, nur nöd über Ibürgerige......?!?!?!?!?!?
Völlige Blödsinn........... Demokratie isch nunemal so.... s'Volk beschtimmt...... BASTA!! [/QUOTE]

Heja, aber genauso wie du gwüssi Sache a dini Gmeind-/Nationalröt delegiersch, channsch das au mit de Iibürgerig mache. Die Lüüt, dene du vertrousch, wählsch is Komitee. Das het sich a vile Orte scho bewährt. Wenn die es Gsuech ablehned, gänds e Begründig (es git jo Vorgabe für d Iibürgerig vom Bund, und au Kantön und Gmeinde chönnd no zuesätzlichi feschtlegge), denn chas kei Theater meh gäh wäge Willkür oder Diskriminierig.

Zurriburri
01-10-2003, 23:32
[QUOTE]Original geschrieben von Basilea
Heja, aber genauso wie du gwüssi Sache a dini Gmeind-/Nationalröt delegiersch, channsch das au mit de Iibürgerig mache. Die Lüüt, dene du vertrousch, wählsch is Komitee. Das het sich a vile Orte scho bewährt. Wenn die es Gsuech ablehned, gänds e Begründig (es git jo Vorgabe für d Iibürgerig vom Bund, und au Kantön und Gmeinde chönnd no zuesätzlichi feschtlegge), denn chas kei Theater meh gäh wäge Willkür oder Diskriminierig. [/QUOTE]

Dänn soll mer das i dä Gmeinde abstimme und sicher nöd eifach so schwiizwit iführä..:ja:

Basilea
01-10-2003, 23:43
Jo du Landei, vo mir us chönnd ihr das mache. Ich findes numme blöd, wenn sich denn wider d Gricht dur alli Inschtanze mit dem müend abgää, wie wenn's nüt anders ztue hätted. Wie mer gseh het, chunnts denn zu nere paradoxe Situation, will en Volksentscheid immer unbegründet isch und somit nie chasch nochewise, dass es kei Willkür oder Diskriminierig isch.

Zurriburri
01-10-2003, 23:56
[QUOTE]Original geschrieben von Basilea
Wie mer gseh het, chunnts denn zu nere paradoxe Situation, will en Volksentscheid immer unbegründet isch und somit nie chasch nochewise, dass es kei Willkür oder Diskriminierig isch. [/QUOTE]

Stimmt doch nöd... du verwächslisch Ibürgerige a dä Urne und a dä Gmeindsversammlig.....

Gege än Entscheid vo dä Gmeindsversammlig, chumsch bi käm Gricht i dä Schwiiz Rächt über..... Det gilts Gmeindsrecht und s'Recht i dä Gmeind häts Volk.... Bi Ibürgerige a dä Gmeindsversammlig mönd die Ibürgerigswillige au awesend si......

Ibürgerige a dä Urne händ einige Gmeinde igführt, und dagegä hat mer klagt......... Gmeinde dafäd so öppis nöd eifach so iführe.....

Aber das Gmeindsversammlig därf ibürgere, isch Bundesrecht.......

Basilea
02-10-2003, 00:09
[QUOTE]Original geschrieben von Zurriburri
Aber das Gmeindsversammlig därf ibürgere, isch Bundesrecht....... [/QUOTE]

Jo und das wird jetzt ebe in Froog gschtellt nach dem Bundesgrichtsentscheid, will's au binere Abschtimmig anere Gmeindsversammlig kei Begründig git.

Vo mir us cha mer das scho de Gmeinde überlaa, wie sis wennd mache, aber das wird immer wider Schtriitfäll gäh. Im Baselbiet hennds inere Gmeind sogar es Theater, will en Schwiizer Gmeindsbürger het welle wärde unds abgleehnt worde isch, und jetzt schiebed Gricht und Behörde Akte hin und här!

Zurriburri
02-10-2003, 00:18
S'Bundesgricht hät nüd überleit.....

Theoretisch chamer denn ja jedä Volksentschei i Frag stelle....

Es git kei verpflichtig, sich übers Anschtimmigsthema z'informierä.... Aber stimmä därf mer trotzdem....

Justitia isch nüme blind, sondern eher blöd.............. Äs grösser werdänds Problem....

Goofy
02-10-2003, 00:24
[QUOTE]Original geschrieben von Zurriburri
Dänn soll mer das i dä Gmeinde abstimme und sicher nöd eifach so schwiizwit iführä..:ja: [/QUOTE]

ja genau und en Jugo wird abglehnt will er en Jugo isch und nöd will er kein redlicher Bürger währi - übrigens nennt me so öppis Staatswillkür. Und latente Rassismuss isch leider bi de SVP-Wähler sehr verbreitet.

Abwähle das Pack ! :q:

Basilea
02-10-2003, 00:27
[QUOTE]Original geschrieben von Zurriburri
S'Bundesgricht hät nüd überleit.....
Theoretisch chamer denn ja jedä Volksentschei i Frag stelle....[/QUOTE]

Ich find de Entscheid au nid s Gääli vom Ei, vor allem will jetzt alles unklar isch.

S'isch natürlich scho en Unterschied, öb mer über e Sachfroog oder es Gsetz abschtimmt, oder über s "Schicksal" vomene einzelne, do schpiled ebe no anderi Grundwert e Rolle!

Zurriburri
02-10-2003, 00:41
[QUOTE]Original geschrieben von Goofy
ja genau und en Jugo wird abglehnt will er en Jugo isch und nöd will er kein redlicher Bürger währi [/QUOTE]

Bullshit.... A euserä letschtä Gmeindsversammlig sind alli ibürgeret worde.. 7 vo 10 sind Ex-Jugos gsi.......

Das in Emme Jugos abglehnt werdät, isch eigentlich logisch.... Gang emal dethi..... Än klare Hilferuef vo dä Bevölkerig...... Also handelt s'Volk rechts und die Linggä, wo vorher verseit händ, mached erst jetzt s'Mul uf.........

Typsich links.. Zerscht de Wille vom Volk nöd gseh, und wenn s'Volk dänn handeld, motzets und holed hilf bi dä Gricht........

[QUOTE]Original geschrieben von Goofy

übrigens nennt me so öppis Staatswillkür.[/QUOTE]

Links wähle heisst meh Staat.......


[QUOTE]Original geschrieben von Goofy

Und latente Rassismuss isch leider bi de SVP-Wähler sehr verbreitet. [/QUOTE]

Und am meischte bi Ex-Jugoslawe.................


[QUOTE]Original geschrieben von Goofy

Abwähle das Pack ! :q: [/QUOTE]

Das "Pack" wird güne...........:d:

Dä roti Traum isch immer än Alptraum gsi............

Basilea
02-10-2003, 00:48
Jetzt chönned er aber euri linggs-rächts Polemik eleige wiitermache!
Die Schlagwort-Politik isch mer z blöd, aber solang er euch nur virtuell d Chöpf iischlönd, bitte. :D

Wünsche euch e gueti Nacht! :wink:

Zurriburri
02-10-2003, 00:51
Ä Gueti Nacht nach Basel...:wink:

Orbitoz
02-10-2003, 03:48
Bliibed mer doch bi de Fakte wämmer scho um das berühemte "Emmen-Urteil" reded:

Bricht vo de NZZ (http://www.nzz.ch/2003/07/10/il/page-article8YVCP.html)

und s'schriftliche Urteil vom BGER (http://www.polyreg.ch/bgeunpubliziert/Jahr_2002/Entscheide_1P_2002/1P.228__2002.html)

Ich weiss, isch viel Text für SVP-Stammtisch-Prolete und hät überhaupt nüt mit Links-Rächts-Polemik z'tue. Das d'SVP drus so öppis konstruiere wott, isch ja logisch, will dere Partei göhnd langsam d'Wahlkampf-Theme us - bzw. kei anderi Partei stiigt uf dere ihres Usländer-Gedöns iih.

Fröged mer doch mal d'Boogy76 wo sones Verfahre grad chürzlich duregmacht hät, wie das würklich gsii isch.

boogy76
02-10-2003, 08:30
Bää....där Thread do macht gar kei Spass mee....viil z'politisch :(

sim_btbw
02-10-2003, 09:33
[QUOTE]Original geschrieben von Zurriburri
Das in Emme Jugos abglehnt werdät, isch eigentlich logisch.... Gang emal dethi..... Än klare Hilferuef vo dä Bevölkerig...... Also handelt s'Volk rechts und die Linggä, wo vorher verseit händ, mached erst jetzt s'Mul uf.........

[/QUOTE]

Na ja, wenn Emme alli Iibürgerigswillige jewiils au iibürgeret hätt, denn hättis jetzt vill weniger Jugos in däre Gmeind!

Im übrige isch die Ablehnig überhaupt nid logisch, oftmals sinn das "Ussländer" uss dr 2. Generation wo in dr Schwyz gebore und uffgwachse sinn, d.h. die sinn do in d'Schuel, reede Schwyzerdütsch und kenne ihri "heimat" meischtens nur als Ferie-Destination!

Wenn mir also (wie s'gwüssi Politiker wänn) alli Secondos würde iibürgere, hätte mir e massiv tiefere Ussländer-Ateil, und d'SVP könnt uffhöre mit motze!

sim_btbw
02-10-2003, 09:35
[QUOTE]Original geschrieben von boogy76
Bää....där Thread do macht gar kei Spass mee....viil z'politisch :( [/QUOTE]

Hey Boogy, sorry, aber das d'Schwyzer Politik sött Di jetzt eigentlich au interessiere!
E Staatsbürgerschaft schliesst immer Rächt UND Pflichte ii!

choulette
02-10-2003, 13:25
Aber uf SVP-Niveau diskutiere bringt ja ehh nüt.

Demokratie heisst nöd, dass s'volk über alles beschtimmt. Oder Zurri wärsch Du wieder für Lynchjustiz? Inere Demokratie gahts au um Rechtsgliiechheit, Schutz vo Minderheite, keini Diskriminierige usw. usw.

Und d'SVP isch nöd demokratischer nur lüüter.


Aber uf SVP-Niveau diskutiere bringt ja ehh nüt.
Und dademit find ich chönnt mer ruhig bis am 19.10. e Politikpause i dem Thread mache.

sim_btbw
02-10-2003, 13:27
[QUOTE]Original geschrieben von choulette


Und dademit find ich chönnt mer ruhig bis am 19.10. e Politikpause i dem Thread mache. [/QUOTE]

au ja, e gueti Idee!

Also Themawäxsel, bi uns schiint d'Sunne, und bi euch?

boogy76
02-10-2003, 15:29
[QUOTE]Original geschrieben von sim_btbw
Hey Boogy, sorry, aber das d'Schwyzer Politik sött Di jetzt eigentlich au interessiere!
E Staatsbürgerschaft schliesst immer Rächt UND Pflichte ii! [/QUOTE]

Jo, aber ich wot nit NUMME über söttigs Zügs rede....

sim_btbw
02-10-2003, 15:31
[QUOTE]Original geschrieben von boogy76
Jo, aber ich wot nit NUMME über söttigs Zügs rede.... [/QUOTE]

Isch dängg scho klar, also reede mir jetzt über s'Wätter, Fuessball oder strigge?:D

boogy76
02-10-2003, 15:38
Fuessball isch au langwiilig..:D Dr FCB gwinnt jo nur....Wätter? Ich be im momänt z'Bade...und do isches so...*naja*---:)

Strigge find ich blöed....wie wärs mit "Het's z'Basel e guete CLub oder e gueti Bar die ich no nit kenn?"

sim_btbw
02-10-2003, 15:39
Chunnt ganz druff aa, was de kennsch.....

Genial isch z.B. dr Baragraph 4!

boogy76
02-10-2003, 15:42
Kenn ich. Supi Bar! :)

Sind ihr scho in dr Gambi Lounge g'seh?? :trippel:

sim_btbw
02-10-2003, 15:44
No, irgendwie hett mir s'Gambi immer abgschreggt!

D'Bar in dr Kasärne isch übrigens au no toll, aber eigentlich isch d'Barlandschaft in Basel eher e bitz e Wieschti!

boogy76
02-10-2003, 15:47
Jo...s'Gambi sälber isch jo au saublöd...aber obedra hets jetz ebbe e Lounge....rächt cool und gmüetlich..:)

Kaserne find ich auch sauglatt...dört bin ich där Samschtig glaub au...

sim_btbw
02-10-2003, 15:49
Denn muess ich das emol go teschte......Merci für dr Tipp.

Am Samschtig macht am Claraplatz übrigens s Lilys uff, das söll e tolli Beiz sii!

boogy76
02-10-2003, 15:50
Das het doch schon där Samschtig uffgmacht?? :confused: Uff jede Fall isch dört am Samschtig rächt viil losg'seh als ich heigange be..:)

sim_btbw
02-10-2003, 15:53
[QUOTE]Original geschrieben von boogy76
Das het doch schon där Samschtig uffgmacht?? :confused: Uff jede Fall isch dört am Samschtig rächt viil losg'seh als ich heigange be..:) [/QUOTE]

Letschte Samschtig isch die "inoffizielli" Eröffnig gsii (für gladeni Gescht), die offizielli isch dä Samschtig.......

Zurriburri
02-10-2003, 17:52
OK, schnurred mer (bis nach dä Wahle) nüme über Politik..............

Aber wenigschtens häts de Thread wieder beläbt.....

Basler-Bare isch öpe sglich truuuuuurig Thema wie Zürcher-Fuessball.....:D

Mached mer lieber ä Umfrag:

Diä schönste Fraue wohned in: Züri

Diä schönste Manne wohned in: Züri

Diä......:floet:

Orbitoz
02-10-2003, 19:06
Z'Basel känn ich eigentlich fascht nüt (logo, bin au fascht nie z'Basel). Aber ich mag mich no dunkel a sonen Spunte erinnere wo's sones "Ueli-Bier" gäh hät. Irgendwie so hät das gheisse und isch no fein gsii.

Am 29.10. bini z'Basel... aber nur uf durchreis... nach Bure/JU... de Zurri weiss vermuetlich, warum ;)

sim_btbw
02-10-2003, 19:15
Wehe ihr fönd jetzt statt Politik wieder mit de Griene Ferie aa, das isch jo no schlimmer! :mad:

Zurriburri
02-10-2003, 19:24
[QUOTE]Original geschrieben von sim_btbw
Wehe ihr fönd jetzt statt Politik wieder mit de Griene Ferie aa, das isch jo no schlimmer! :mad: [/QUOTE]

Ja ja, und am Sunntigabig amigs am Bahnhof schtah, um diä schmucke Soldate i ihrne schöne Uniforme z'gseh................:D

sim_btbw
02-10-2003, 19:34
Jo unbedingt, ich freu mi scho die ganzi Wuche druff! :D

Orbitoz
02-10-2003, 19:56
Ich wott eigentlich lieber e antwort wäge dem Ueli-Bier! Gits das no?

Zurriburri
02-10-2003, 20:05
[QUOTE]Original geschrieben von sim_btbw
Jo unbedingt, ich freu mi scho die ganzi Wuche druff! :D [/QUOTE]

"Trotz dä Chälti tut si jede Sunntig, im Mini am Bahnhof umestah............

Und sie lueged mit verliebtem Blick, dä schigge Soldate nah.........."

sim_btbw
02-10-2003, 21:06
[QUOTE]Original geschrieben von Orbitoz
Ich wott eigentlich lieber e antwort wäge dem Ueli-Bier! Gits das no? [/QUOTE]

Sorry Orbitoz, bi grad im Mini am Bahnhof gstande und ha uff Soldate gwartet......... :D :D

Also Ueli Bier gits, in dr Ueli-Stube! (übrigens im Kleibasel, fascht am Rhy)

Das isch kleini Brauerei, und s'Bier kriegsch eigentlich nur in 2 oder 3 Beize in dr Stadt (oder in Karaffe zum heinäh). :trink:

Orbitoz
02-10-2003, 21:15
Ja das isch irgendwo ziemlich nöch am Rhy gsii damals (vor Jahre... gopf... ich wird immer älter!). Ja genau, me hät chöne Karaffe zum heinäh ha!

Schtah nöd allzu oft im Mini am Bahnhof ume, suscht vercheltisch Dich ja no! Chasch denn am 29.10. nomal am Bahnhof stah... dänn erkänn ich Dich wenigschtens ;)

sim_btbw
02-10-2003, 21:24
[QUOTE]Original geschrieben von Orbitoz
Ja das isch irgendwo ziemlich nöch am Rhy gsii damals (vor Jahre... gopf... ich wird immer älter!). Ja genau, me hät chöne Karaffe zum heinäh ha!

Schtah nöd allzu oft im Mini am Bahnhof ume, suscht vercheltisch Dich ja no! Chasch denn am 29.10. nomal am Bahnhof stah... dänn erkänn ich Dich wenigschtens ;) [/QUOTE]

Das chönnt schwierig wärde, do hetts immer hunderti vo Fraue in Minis!:D

Zurriburri
02-10-2003, 23:50
http://www.cevi.ch/davos/galerie/pics/baski1.jpg

Orbitoz
03-10-2003, 05:56
Also jetzt wirds würkli langsam peinlich: 2:1 verlürt GC gäge Wil (das :1 isch erscht no es Eigegoal vo Wil gsi).

Schluss mit lustich... (wie anderi da säge würded)... de Koller an 1. FCK verschänke und neu afange.

Uii sorry Boogy, jetzt hani nach Politik und Militär doch no mit Tschutte agfange. Sorry, gäll ;)

boogy76
03-10-2003, 08:28
Und dr FCB gwünnt wider e mol ...:gähn:

sim_btbw
03-10-2003, 08:32
Jo, es isch wirklich sauglatt in dr Super League....

Ich bi mir langsam aber sicher am überlege, ob ich nid söll go Iishockey luege, die kriege wenigschtens ab und zue uff d'Kappe!:D

boogy76
03-10-2003, 09:31
Ich gang hüt glaub e mol bim EHC luege.....gäge Bern isch zwor sicher deprimierend :D...

Zurriburri
03-10-2003, 14:59
GC isch würkli zum Brüelä.........

Bim FC Wil isch än richä Russ igschtigä, bi Chelsea än superrichä Russ.....

Viellicht häts no eine für GC übrig..... Wo wot so um diä 100Mio investierä......

Dä Koller gaht.............

..............................................

Dafür macht mer Dä HCL meh als nume Freud............ 7 Spiel, 7 Sieg und 39 zu 17 Goal.......... GRANDE LUGANO

1. NLA Topskorer Peltonen

2. "" Maneluk

3. "" Nummelin

Zurriburri
03-10-2003, 15:00
http://www.cevi.ch/davos/galerie/pics/baski2.jpg

Zurriburri
05-10-2003, 22:37
Lässig........... Chum wird nüme über Politik gschnurrt, chomed kei Biträäg meh...

Zurriburri
06-10-2003, 00:39
http://hippiesylvain.free.fr/IMAGES/heidi%20dance.gif

Orbitoz
06-10-2003, 03:49
Also ok, dänn schnurred mer halt doch wieder übers militär, Kanonier Zurri :D

Was bewegt dänn z'Schwiiz suscht no? Me chönd ja nöd duurend zwüsche Basler und Zürcher umestriite.

Ich finds toll, das Boogy ibürgeret worde isch.

Zurriburri
06-10-2003, 03:58
Hoi Orbi..........

Jetzt mussi (leider) echt go schlafe, aber morn chömer gern übers Militär oder au anderi Sache schnurre..........

Guet Nacht............:wink:

sim_btbw
06-10-2003, 09:33
Fertig Militär etc. I'm Back, jetzt chömme wieder die interessante Theme zum Zug!:D

Aehm, wie isch s'Wätter bi Euch? :D

Basilea
06-10-2003, 10:58
http://www.mainzelahr.de/smile/winkend/yaya.gif

Wohrschinlig glych wie bi dir! :D

sim_btbw
06-10-2003, 11:03
So lessig, und findsch es au so kalt?

kangoo
06-10-2003, 11:13
Hallöle liebe Schwiizer Kollege
Bi grad us de Ferie zrugg cho (2 Woche Zypern, 30 Grad, sonnig, jede Tag im warme Meer go bädele....) Denn chunt me zrugg und es isch arschchalt. Was händ ihr au gmacht? Sitt i usem Flugi gstiige bi, bini am früüre. Hoffentlich wirds gli wieder chli besser, nid dass mer scho d'Ski müend füre nä. z'Davos isch jo geschter scho alles wiis gsi...

So, muess mich nochli ischaffe, s'Pult isch überfüllt, wie bi de meiste wo vo de Ferie zrugg chömet..

Grüessli us Basel (wo übrigens d'Sonne öfters mol vöre luegt)

:wink:

sim_btbw
06-10-2003, 11:15
Ich glaub hütt ändere mir dä Thread in Basler-Thread um, dr Räscht vo dr Schwiz schiint bereits iigschneit!:D

Orbitoz
06-10-2003, 12:10
Nenei...! Da bi mir schiint im Momänt d'sunne aber isch arschchalt.

Aber da wird nüt uf Basler-Thread gänderet... neinei :zeter:

:D

sim_btbw
06-10-2003, 12:17
Wow, dr Orbi hett sich frei-gschuuflet!

Orbitoz
06-10-2003, 12:23
*lach* ich wohne ja nöd i de Berge :D :D :D

sim_btbw
06-10-2003, 12:25
denn hesch aber Glück gha!

Es würd mir jo scho stingge, wenn ich bereits mit de Schneeschueh miesst umelaufe. Bi uns schiint jetzt e wunderbars Sünneli, und es isch agnähm warm.:freu:
Ich bi sogar ohni Jacke go Zmittag hole!:anbet: :D

Orbitoz
06-10-2003, 12:31
Ja isch bi öis au so! Wunderbar warm. Mir isch sogar eini i somene buuchfreie Top entgägecho :)

sim_btbw
06-10-2003, 12:33
Das wär mir denn doch e bitz z'kalt, ich bi drum en extreme Gfrörli!

Orbitoz
06-10-2003, 12:41
Ha mi au gwunderet wie die das ushaltet ohni hüenerhuut. Naja, Schönheit mues liide ;)

sim_btbw
06-10-2003, 12:42
jo, und das alles für euch Kerls!

Orbitoz
06-10-2003, 12:47
:D ja ich weiss ja nöd ;)

So Du, ich mues wieder abdampfe. Mer läsed öis scho no! :wink:

sim_btbw
06-10-2003, 12:48
Bis bald, schöne Nomidaag!

choulette
06-10-2003, 13:30
Ich han hüt zum erschte Mal wieder Socke aaa!!!
Ich hasse Socke!!!

Es düütlichs Zeiche, dass de Winter chunnt :fürcht:

Ich wär ja am liäbschte irgendso en Bär, wo scho glii in Winterschlaf gheit. S'einzig, wo mi würd reue sind mis Geburifäscht im Dezämber und s'Guetzle vor de Wiehnacht.

Zurriburri
06-10-2003, 18:28
[QUOTE]Original geschrieben von choulette
Ich han hüt zum erschte Mal wieder Socke aaa!!!
Ich hasse Socke!!!
[/QUOTE]

Socke sind cool..............

Da, dä Socke vo de Nation...................

http://www.rohner-socks.com/sport_summer2000/40_040.jpg

Dä Rohner-Grenadier.................:D

Orbitoz
07-10-2003, 10:15
:D Zurri... und scho hämmers wieder vom Militär...

Aber die Greni-Socke gäbed würkli warm - gsehnd zwar nöd eso schön us - aber trotzdem :d:

sim_btbw
07-10-2003, 10:23
Ihr Militärköpf wieder!

Ich ha geschter übrigen Achtung Fertig Charlie gseh und mi halb tot-glache......khei Wunder finded Ihr die griene Ferie so toll!:D

Orbitoz
07-10-2003, 10:43
Mir reded doch nur über Socke :D

Lohnt sich de Film? Gangen glaubs au no go luege, au wänn mir die Winiger langsam uf de Wecker gaht. De händs nämlich i dere Kaserne dreht, wo ich es paar mal glitte han drin (Frauefäld) - de Zurri kännts vermuetlich au ;)

sim_btbw
07-10-2003, 10:51
Dr Film isch wirklich sau luschtig gsii, ich ha scho lang nümm eso glache!

Natürlich alles e bitz überspitzt, aber grad dorum.....

Orbitoz
07-10-2003, 10:56
Ok, dänn gangen au go luege... trotz de Winiger (vo dere chammer sich ja chum me rette) - isch sicher kei schlächti Ischtimmig uf mini nöchschte grüene Ferie.

sim_btbw
07-10-2003, 10:57
Viel Spass, d'Winiger isch übrigens gar nid so schlimm! (Eigentlich hett si no e amüsanti Rolle, aber ich verrot Dir jetzt nid z'vill!)

Muesch dr eifach bewusst sii, dass es in Dine "ferie" nid ganz eso wird sii wie im Film.....

Orbitoz
07-10-2003, 11:07
Bisch Dir da sicher? *gg* Han bis jetzt nur gwüssi Usschnitt gseh... aber mängisch isches im Fall würkli genau so!

Also z.B. die Szene mit dem Typ im Knascht mit de Bible wo sich... ähm ja... :D

Mir händ mal eine im "scharfe Arrescht" gha, dem händs imene Plastiksack en chline Radio i de Suppe versänkt und zu dem inegschmuggled :D Leider, leider isch de Sack nöd ganz dicht gsii und dänn hät er halt wieder müese uf die präpariert Bible uswiiche.

:D

sim_btbw
07-10-2003, 11:16
Bi däm wo Du verzellsch, muess ich mi Meinig evtl. wieder korrigiere!

Also das mit dr Bible isch so geil! Und hänn Dir au z'Nacht Ussflüüg mit de Panzer gmacht?

Aber am genialschte isch dr Walliser, muesch denn luege!

Orbitoz
07-10-2003, 11:35
Nei, so Nachtusflüg mit de Panzer isch nöd möglich. Aber mir händ mal stinkfräch voremene Coop eifach parkiert und sind go Food chaufe :) (öisi Panzer gsehnd allerding ächli andersch us als im Film... sind ächli grösser und lüüter. De Zurri hät glaubs mal es Bild vo dem Panzer postet ;) )

sim_btbw
07-10-2003, 11:42
Jo das Bild han ich mir extra ussdruggt und über s'Bett ghänggt!

Orbitoz
07-10-2003, 11:48
:D :D :D

Häsch PN vo mir!

Muesch Dir vorstelle, mit sonere Kanone uf em Chundeparkplatz vom Coop parkiere :D

sim_btbw
07-10-2003, 11:51
Hett sicher guet ussgseh!
Hett das denn khei Aerger gäh?:zeter: :zeter: :zeter:

Bebbi
07-10-2003, 11:58
also ihr machet mi richtig gluschtig noch däm film.jetz lueg i mol,ob me dä film im kaaza scho cha suuge......:D

sim_btbw
07-10-2003, 11:59
:tsts: :tsts:

Drbii würdsch mit däne 15 Stutz d'Schwyzer-Filminduschtrie unterstütze!:D