PDA

Archiv verlassen und diese Seite im Standarddesign anzeigen : Schweiz Suisse Svizzera Svizra?


Werbung

Seiten : 1 2 3 4 5 6 7 [8] 9 10 11

boogy76
16-10-2003, 14:24
Original geschrieben von Zurriburri
Dänn nämed'er am nächste Match halt mal s'Werkzüüg mit und schrubed diä Sitz selber ab.......:D


:clap: Gueti Idee!!!

sim_btbw
16-10-2003, 17:59
Original geschrieben von Basilea
Doch doch, das isch scho richtig gsi, will s goht jo gäge de Vorstand und nit gäge d Mannschaft, und s goht drum, dass de Fän immer wider Zügs versproche wird, aber nüüt passiert, obwohl die sich scho sit Langem a d Abmachige (z.B. kei Pyro im Joggeli) halted. Und wenn den Gigi Oeri im Färnseh verzellt, mit de Fän stimmi jetzt au alles (lies si heiged si jetzt dressiert), denn platzt dene halt emol de Chrage.

scho klar, find ich eigentlich au e gueti Idee, was si gmacht hänn, nur hätte si minere Meinig noch, dä Boykott die ganz 90 min. miesse duurezieh, so wärde "mir" vom Vorstand nie Aernscht gno

Basilea
17-10-2003, 09:37
Original geschrieben von sim_btbw
scho klar, find ich eigentlich au e gueti Idee, was si gmacht hänn, nur hätte si minere Meinig noch, dä Boykott die ganz 90 min. miesse duurezieh, so wärde "mir" vom Vorstand nie Aernscht gno

Hesch de Zeedel nit bichoo gha? De Vorschtand het sich schiinbar nach em Schtreik bim Schpiil gäge Wil diskussionsbereit zeigt und es Gschpröch uf Aendi Oktober verschproche. Sisch also numme no um es Nochedopple gange und abgmacht gsi, dass de Capo, falls es schlächt uusgseht für d Mannschaft, mit ere Fahne s Zeiche zum Supporte git. Das isch scho guet gsi so!

kangoo
17-10-2003, 13:25
BaZ. In der 2. Hauptrunde des UEFA-Cups trifft der FC Basel auf Newcastle United. Das hat die Auslosung am Sitz des europäischen Fussball-Verbandes (UEFA) in Nyon ergeben. Der FCB geniesst am 6. November zuerst Heimrecht, für das Rückspiel am 27. November muss er nach England reisen.

ganzer Artikel: http://www.baz.ch/news/index.cfm?objectID=3A3E9018-8D41-401E-A7A1536E597BE53E

Orbitoz
17-10-2003, 13:44
Naja, Newcastle ist eher einer der dickeren Fische, jedoch nicht unschlagbar... aber so wie der FCB am Mittwoch gespielt hat, no way!

kangoo
17-10-2003, 15:15
Wemmer so de ganz Artikel list i de BAZ, denn trouets em FCB glaub im Momänt au nid allzuvil zue... :nein:

Goofy
17-10-2003, 18:28
nöd vergässe go Stimme gah !

und am beschte d'Liste 15 inegheie für d' Second@s :d: :anbet:

Zurriburri
17-10-2003, 18:52
Original geschrieben von Goofy
nöd vergässe go Stimme gah !

:d:........... Nutzed diä Chance


Original geschrieben von Goofy

und am beschte d'Liste 15 inegheie für d' Second@s :d: :anbet:

Bringt dä Basler glaub nöd so viel....:D....;)

Zurriburri
18-10-2003, 08:35
http://cho.ci.santa-clara.ca.us/SVP-logo.gif

.......:floet:

smoovie
18-10-2003, 10:25
http://www.mainzelahr.de/smile/unsortierbar/knuffl_rein.gif

*kurz ein hallo zu goofy und orbitoz rüberschieb*

http://www.mainzelahr.de/smile/winkend/hand.gif

gehts euch gut? http://www.mainzelahr.de/smile/liebe/knuddel.gif

*und wieder weg is*
http://www.mainzelahr.de/smile/unsortierbar/knuffl_raus.gif

Zurriburri
19-10-2003, 08:25
http://www.svp-rafz.ch/Bilder/Animation-SVP.gif

choulette
19-10-2003, 17:34
Ich schwanke im Moment zwischen Trübsinn und unbegrenztem Optimismus...

Auf jeden Fall Gratulation an Basel :clap: Die Fetz gefällt mir.

Zurriburri
19-10-2003, 18:45
Hüt isch ja eigentlich dä Tag vo dä.............

http://www.republique.ch/archives/2000-01/geneve/elections2001/logoudc.gif

Union Démocratique du Centre (UDC)

Orbitoz
19-10-2003, 18:54
@Choulette: gaht mir ähnlich... schad häts de Estermann nöd gschafft, jetzt hocked halt wieder zwei Landeier im Ständerat und die gröscht schwiizer Stadt isch immer nonig verträte :(

so, und jetzt bini mal gspannt uf d'elephanterunde und was öis de Ueli Muurer füren Bundesrats-Sprengkandidat präsentiere wird...

Basilea
19-10-2003, 18:56
Original geschrieben von choulette
Ich schwanke im Moment zwischen Trübsinn und unbegrenztem Optimismus...

Auf jeden Fall Gratulation an Basel :clap: Die Fetz gefällt mir.

Dangge. Gäll, die het Pfiff, drum isch si au vo vile gwählt worde, wo süscht nit unbedingt SP wähle. Erscht rächt will sich di Bürgerliche mit ihrere Uuswahlsändig (jedi Partei en eigene Kandidat, will si sich nit einige hend chönne und en zweite Wahlgang hend welle) zimli lächerlich gmacht hend.

De Rescht vo de Wahle, na ja, wie erwarted und nid unbedingt begeischternd!

Zurriburri
19-10-2003, 19:02
Original geschrieben von Orbitoz
@Choulette: gaht mir ähnlich... schad häts de Estermann nöd gschafft, jetzt hocked halt wieder zwei Landeier im Ständerat und die gröscht schwiizer Stadt isch immer nonig verträte :(

D'Estermann isch offieziell us dä Politik zrugträte damals............

Ein Mann ein Wort............ Dä Kanton häd das nöd vergässe..............

1. offiziell Hochrechnung........... SVP + 12(!)

Orbitoz
19-10-2003, 19:06
Boaaah... d'SVP wott am 10.12. de Blocher als Bundesratskandidat is ränne schicke

Zurriburri
19-10-2003, 19:10
Original geschrieben von Orbitoz
Boaaah... d'SVP wott am 10.12. de Blocher als Bundesratskandidat is ränne schicke

Wiso au nöd??

Dä Vischer z.B. hät ja Wahlwerbig gmacht mit em Slogan: "Eine wo gäg d'Blocher cha beschtah.........."

Das heisst öpis............

Zurriburri
19-10-2003, 19:18
Die diskuteried ja füürig auf SF1.................... Endli, dä heissi Sommer würkt no na.....................

Orbitoz
19-10-2003, 19:24
Wenigschtens mal äggschn, da häsch rächt zurri :) :)

Zurriburri
19-10-2003, 19:31
Die Grüene güned au............ Das find ich :d:

Goofy
19-10-2003, 20:32
De Blocher mal i'd Verantwortig näh :d:

nur damit s'Schwyzervolch mal gseht was d'SVP so alles verbockt :D

mir isch es grad chalt der Rugge n'ab wie diä SVP für e Befehlston agleit het. :fürcht:

super - da werdet Erinnerig wach *börks*

Zurriburri
19-10-2003, 20:39
Original geschrieben von Goofy
mir isch es grad chalt der Rugge n'ab wie diä SVP für e Befehlston agleit het. :fürcht:

Und du häsch d'Secondos gwählt??..... Wiä tönts ächt in Italie, Spanie oder allgemein suscht i dä Politik weltwit??

Scho komisch, SVP als rückständig und weltfremd bezeichnä.... Aber wänns mal kosmopolitisch sind, isch äs au nöd Recht...............


Original geschrieben von Goofy

super - da werdet Erinnerig wach *börks*

:q: Ganz ä hilflosi Ussag..............

Orbitoz
19-10-2003, 22:28
I de Wahlsändig uf SF1: De Giaccobbo und de Müller mit sim löli-Stand vorem Brandeburger-Tor "Die Schweiz wählt" :rotfl: hani ab und zue no luschtig gfunde... isch zwar nöd unbedingt de richtig Platz zum Berliner z'finde, ehnder Touris - hauptsach dene hät de Fendant gschmöckt :trink:

Goofy
19-10-2003, 22:48
Original geschrieben von Zurriburri
Und du häsch d'Secondos gwählt??..... Wiä tönts ächt in Italie, Spanie oder allgemein suscht i dä Politik weltwit??

Scho komisch, SVP als rückständig und weltfremd bezeichnä.... Aber wänns mal kosmopolitisch sind, isch äs au nöd Recht...............



:q: Ganz ä hilflosi Ussag..............

das sinds aber au. Verhinderer erschte grades. Und das behaupte ja nöd nur ich sondern alli anderi Parteie. Und was händ eusi Nationalratswahle mit Italie und anderi Länder z'tue :dada: D' Secondas sind Schwyzer falls Du das nonig weisch.

SVP = Kosmopolitisch :rotfl:

danke für de Lacher des Tages :clap:

Goofy
19-10-2003, 22:52
no öppis:

das mit em Blocker isch wahrschinlich wieder emol so e typischi SVP - Nebelgranate - die wänd id Opposition vermuet ich mal.

Zurriburri
19-10-2003, 23:52
Original geschrieben von Goofy
das sinds aber au. Verhinderer erschte grades. Und das behaupte ja nöd nur ich sondern alli anderi Parteie.

Häted diä andere Parteie ächli meh verhindered, het hüt nöd d'SVP gunne...

Wirsch scho gseh, uf welle Kurs CVP und d'FDP jetzt ischlönd



Original geschrieben von Goofy

Und was händ eusi Nationalratswahle mit Italie und anderi Länder z'tue :dada: D' Secondas sind Schwyzer falls Du das nonig weisch.


Das hani zu dinere "Angscht" vom Befehlston bracht. Du wichsch stets us...

Weltwiit herrscht i dä Politik än "direkte" Ton.........



Original geschrieben von Goofy

SVP = Kosmopolitisch :rotfl:

danke für de Lacher des Tages :clap:

D'SVP isch kosmopolitisch. Si vertritt ä Politik wos so guet wiä überall git. Z.B. PP in Spanie isch konservative wie dä zürcher Flügel vo dä SVP. Am Blocher sini EMS-Chemie isch internationaler als d'Staatsjöb vo dä SP-Lüt.......

Aber z.B. ä "Secondo-Lischtä", gits nur i dä Schwiiz............. Nationali Unikat sind chum kosmopolitisch..............

Politik isch vo dä Wirtschaft völlig abhängig. Ganz normal i dä freie Marktwirschaft.... D'Wirtschaft zahlt d'Löhn, D'Löhn zahled D'Stüre.....

Meinsch so vill inernationali Unternehme hättet ihrä Sitz i dä Schwiiz, wenns da nöd diä Stürvorteil hättet??

Würds nach der SP gah, hättet mer so guet wiä kei internationali Unternehmä da.....

SP tut meh für d'Iigelig vo dä Schwiiz, als alli rechtä Parteie zäme...........


Dä Sozialstaat sich super, doch nur es richs Land, chan sich dä Staat leischte........... D'SP hat das nanig begriffe........


Doch träum nur witer din rote Traum................ Dän chumsch wahrschindli gli unter Heimatschutz bzw. is Landesmuseum....:rotfl:

Zurriburri
19-10-2003, 23:54
Original geschrieben von Goofy
no öppis:

das mit em Blocker isch wahrschinlich wieder emol so e typischi SVP - Nebelgranate - die wänd id Opposition vermuet ich mal.

Chan guet si............

Taktisch genial, dänn CVP und FDP, mönd sich entscheide, obs links oder rechts politisieräd............

Goofy
20-10-2003, 00:52
Original geschrieben von Zurriburri
Chan guet si............

Taktisch genial, dänn CVP und FDP, mönd sich entscheide, obs links oder rechts politisieräd............

ich vermuete CVP wird sich links und FDP bi de SVP ischlime.

aber das d'FDP nach de Skandäl vo FDP-Verwaltigsrät i verschiedenschti Firme ibrüch het müess hinäh isch ja keis wunder. :rolleyes:

Zurriburri
20-10-2003, 01:29
Original geschrieben von Goofy
ich vermuete CVP wird sich links und FDP bi de SVP ischlime.

Glaub ich eigentlich au..................

Zwar chönti dänn CVP als Partei uf dä strekci blibä, dänn i dä Innerschwiiz tuet si ja schono chrischtlichi Wert verträte.

Und änn sie diä Wähler au no verlürt, wirds dumm.......... LdU lat grüesse


Original geschrieben von Goofy

aber das d'FDP nach de Skandäl vo FDP-Verwaltigsrät i verschiedenschti Firme ibrüch het müess hinäh isch ja keis wunder. :rolleyes:

Stimmt, d'FDP hät lang nur profitiert und stets alles hinenume abgwickelt...

Jetzt chund sie halt ämal d'Rechnig däfür über..................


..............

Schad findi, dass d'SP Züri statt em Estermann nöd Esther Maurer als Ständeratskanidatin ufgschtellt häd... Diä het no mini Stimm übercho.....

Orbitoz
20-10-2003, 08:57
Ich dänke, d'SVP ziilt mit de Portierig vom Blocher klar uf en Oppositionskurs ab (Falls da dra tatsächlich feschtghalte wird). Ganz eifach, will i de Bundesversammlig au nachem 19.10. de Blocher als Bundesrat nöd wählbar isch und wohl kei Mehrheit zämecho wird. Da müesst er scho schaurig vill Chride frässe - aber das macht er sicher nöd, suscht würd er ja sini Glaubwürdigkeit verlüüre.

Klar, de Aschpruch uf zwei Bundesratssitz sind sit geschter für d'Ess-Vau-Pee unbestritte - Zauberformle i dere Zämesetzig isch es Uslaufmodäll und wird am 10.12. beärdigt werde.

@Zurri: Du wotsch eifach d'Maurer vo Züri wäg ha ;) S'Problem vom Estermann isch doch gsi, das er sich ZU definitiv us de Politik zruggzoge hät damals und ächli än allzu zaghafte Wahlkampf gfüehrt hät.

choulette
20-10-2003, 11:30
Blocher kosmopolitisch? Ich ghei grad ab em Stüehli! Sone grobi Fähl-Iischätzig isch mer bis jetzt nonig begägnet! Und dass nationalistischi, erzkonservativi Parteie uf de ganze Wält existieret, isch im Fall keis Qualitätszeiche.

De Blocher würd d'Sozialversicherigi am liäbschte uf de stand churz nach de Industrialisierig zruggschruube. Ganz nach alter Väter Sitte gilt jetzt dänn wieder s'Gsetz vom Dschungel! De Stärcher frisst de Schwächer!

Da retted eus nur e neui Iisziit, dänn chömmer wieder mal vo vorne aafange und hoffentli s'Matriarchat übererette... :p

Orbitoz
20-10-2003, 12:11
Was mich am meischte freut: De Hanf-Ueli hät meh Stimme als de SVP-Tuena übercho in Züri :rotfl:

Basilea
20-10-2003, 13:08
Original geschrieben von Orbitoz
[B]Ich dänke, d'SVP ziilt mit de Portierig vom Blocher klar uf en Oppositionskurs ab (Falls da dra tatsächlich feschtghalte wird). Ganz eifach, will i de Bundesversammlig au nachem 19.10. de Blocher als Bundesrat nöd wählbar isch und wohl kei Mehrheit zämecho wird. Da müesst er scho schaurig vill Chride frässe - aber das macht er sicher nöd, suscht würd er ja sini Glaubwürdigkeit verlüüre.[B]

Das dänk ich au. Susch hetteds en Andere uufgstellt. Jetzt chammer wider emol so es schöns, webeträchtigs Theater abzieh! :rotfl:
D Bundesversammlig isch immer no e Wahlbehörde und nit Befehlsempfänger, und d SVP het weder i der Bundesversammlig no im Volk d Mehrheit, so vo wäge "mir müend jetzt eusi Politik im Bundesrat duresetzte".
Ich glaub aber au nit, dass di vile SVP-Wähler (und do ghöred au no d Bärner und Bündner derzue, nit nur Zürcher plus Trabante!) glücklich wäred demit, die nächschte 4 Johr numme über Referände und Initiative (wo vo de Mehrheit im Volk abglehnt wird) mitrede z chönne, das isch chum das wozue si die Partei gwählt hend.

Uf jede Fall wird's jetzt emol no chli spannend i de Schwiizer Politik bis zum 10.Dezämber! :)

Zurriburri
20-10-2003, 19:14
Original geschrieben von choulette
Blocher kosmopolitisch? Ich ghei grad ab em Stüehli! Sone grobi Fähl-Iischätzig isch mer bis jetzt nonig begägnet! Und dass nationalistischi, erzkonservativi Parteie uf de ganze Wält existieret, isch im Fall keis Qualitätszeiche.

Du wirsch in Chile scho no uf d'Wält cho........... Konservativi und au rechti Parteie günned Wähler, wänn diä linggä schlechti Politik machet.... Usserdäm isch rechts wirtschaftsfründlich und d'Wirtschaft isch ALLERWICHTIGSCHTE für jedes Land.......................

Weltwiit sind Staate mit rechte Regierigä wirtschaftlich stärcher.... Klar motzed diä links regiertä Staate über Wahlgwünn vo dä Rechtä, doch das sind diä letschtä Zuckige vo sterbendä Unfähige..............


Original geschrieben von choulette

De Blocher würd d'Sozialversicherigi am liäbschte uf de stand churz nach de Industrialisierig zruggschruube. Ganz nach alter Väter Sitte gilt jetzt dänn wieder s'Gsetz vom Dschungel! De Stärcher frisst de Schwächer!

Häsch du eigentlich nanig begriffä, dass dä Sozialstaat nur chan überlebä, wenn d'Wirtschaft blüeht....

Mal als Biischpiel... Bi dä IBM und bi dä Johnson & Johnson, zwei vo eu linggä so gliebte Ami-budenä, händ Müttere 6(!) Monät bezahlte Mutterschaftsurlaub. Sie zahlen minimi Chrankekasseprämie will Firma s'meischti zahlt... etc. etc.....

Ä florirendi Wirtschaft chan besseri Sozielleischtigi stellä, als dä beschti Sozialstaat....

Und dä einzig Sozialstaat wo mer mit reine SP-Politik hättet, wär eine uf DDR-Niveau....


Original geschrieben von choulette

Da retted eus nur e neui Iisziit, dänn chömmer wieder mal vo vorne aafange und hoffentli s'Matriarchat übererette... :p

Iisziit.... Diä sozialistischä Staate gits nümä, sogar diä skandinavischä Sozialmodell sind bankrott. Jährlich werdet meh Sozialleischtige abbaut, will kei Geld da isch, um das s'zahle.....

Numal für dich choulette.....

Blühendi Wirtschaft=gueti Löhn=viel Stüüre=guete Sozialstaat....

Serbelndi Wirtschaft=schlechti Löhn=wenig Stüüre=bankrotte Sozialstaat...


Än Sozialstaat ohni blühendi Wirtschaft chan maximal uf DDR-Niveau beschtah und au das nöd lang............

Und du redsch vo Iisziit....:LOL:

Goofy
20-10-2003, 20:12
Original geschrieben von Zurriburri
Du wirsch in Chile scho no uf d'Wält cho........... Konservativi und au rechti Parteie günned Wähler, wänn diä linggä schlechti Politik machet.... Usserdäm isch rechts wirtschaftsfründlich und d'Wirtschaft isch ALLERWICHTIGSCHTE für jedes Land.......................

Weltwiit sind Staate mit rechte Regierigä wirtschaftlich stärcher.... Klar motzed diä links regiertä Staate über Wahlgwünn vo dä Rechtä, doch das sind diä letschtä Zuckige vo sterbendä Unfähige..............
so wie de Kohl Dütschland und de Dubbelju d'USA is Rekorddefizit inegfuert het :rotfl:



Original geschrieben von Zurriburri
Häsch du eigentlich nanig begriffä, dass dä Sozialstaat nur chan überlebä, wenn d'Wirtschaft blüeht....

Mal als Biischpiel... Bi dä IBM und bi dä Johnson & Johnson, zwei vo eu linggä so gliebte Ami-budenä, händ Müttere 6(!) Monät bezahlte Mutterschaftsurlaub. Sie zahlen minimi Chrankekasseprämie will Firma s'meischti zahlt... etc. etc.....

Ä florirendi Wirtschaft chan besseri Sozielleischtigi stellä, als dä beschti Sozialstaat....

Und dä einzig Sozialstaat wo mer mit reine SP-Politik hättet, wär eine uf DDR-Niveau....

Es brucht beidi Links und Rechts für e guete schwyzerische Kompromiss


Original geschrieben von Zurriburri
Iisziit.... Diä sozialistischä Staate gits nümä, sogar diä skandinavischä Sozialmodell sind bankrott. Jährlich werdet meh Sozialleischtige abbaut, will kei Geld da isch, um das s'zahle.....

Numal für dich choulette.....

Blühendi Wirtschaft=gueti Löhn=viel Stüüre=guete Sozialstaat....

Serbelndi Wirtschaft=schlechti Löhn=wenig Stüüre=bankrotte Sozialstaat...


Än Sozialstaat ohni blühendi Wirtschaft chan maximal uf DDR-Niveau beschtah und au das nöd lang............

Und du redsch vo Iisziit....:LOL: [/B]
genau und die geile riche Wirtschaftslüüt gebet erscht wieder öppis ab wenn's de Büezer uf'd Strass gaht wie in de 50er Jahr. Super die Patriarchischi Wirtschaftsfüerig wo die Patriarche d'Lüüt usbüüted bis es nümme gaht. :d:

Zurriburri
20-10-2003, 20:43
Original geschrieben von Goofy
so wie de Kohl Dütschland und de Dubbelju d'USA is Rekorddefizit inegfuert het :rotfl:

Unter em Reagan häd Wirtschaft i dä USA boomt wiä no niä... Und dä Reagan isch 5x konservativer gsi, als dä Bush isch. Usserdäm sind au d'Demokrate nöd links.........

In Dütschland muem mer Bayern aluegä. CSU isch konservativer als SVP und Bayern blüeht...



Original geschrieben von Goofy

Es brucht beidi Links und Rechts für e guete schwyzerische Kompromiss

Ich säg au, das es bedes brucht. Ohni Sozis würds nöd ga.. Mir bruched äs sozials Gwüssä bzw. ä soziali Stimm i dä Politik. Aber wenn SVP mit populischtische Parole Stimme gwünnt, dänn hand diä andere Parteie die vo dä SVP agschprochene Problem nöd rechtziitig erkännt....

Und wänn mer dänn d'SVP als Nazis oder weiss nöd wiä beschimpft, isch das undemokratisch und eifach ä billigi Masche, um vom eigene Versäga abzlenkä..


Original geschrieben von Goofy

genau und die geile riche Wirtschaftslüüt gebet erscht wieder öppis ab wenn's de Büezer uf'd Strass gaht wie in de 50er Jahr. Super die Patriarchischi Wirtschaftsfüerig wo die Patriarche d'Lüüt usbüüted bis es nümme gaht. :d:

Dasch isch eigentlich s'Problem, dass effektiv diä meischte Richä unsozial und giizig sind..... Weiss änöd, wieso diä Lüt niä chönd zfriedä si....

Aber es git au anderi Bischpiel.... Dä Bill Gates häd scho Milliardä gschpendäd und Bsitzerin vo dä Body-Shop Chette stellt au immer wieder soziali Projekt uf Bei.....

Doch wiä ober erwähnt. S'Problem isch, das vieli Richi eifach HABGIERIG und GIIZIG sind.... Doch mit Gwalt oder Gsetz chamer inä s'Geld nöd wegnäh... Sie händ Möglichkeite, uswanderä oder s'Geld i Sicherheit z'bringe..........

Goofy
20-10-2003, 21:53
Weisch Zurri,
es git i de SVP hervorragendi Lüüt - de Ogi zum Bispiel, aber d'zürcher SVP find ich zum chotze mit de ressentiments wo die schürred. Ein geistige Brandstifter isch de Mörgeli und sin Hampelmaa de Blocher.
Ebe - ich find de Blocher müesst me jetzt als Usseminischter erkläre, damit d'SVP Wähler gsehnt was die leischtet.
Es git nur zwei Möglichkeite
1. De Blocher schaffts innerhalb einer Legislaturperiode das sich d'Schwyz verabschiedet vo de Diplomatie und sich zwangsläufig isoliert.
2. E frisst kilowiis Chride bis er selber nümme glaubwürdig isch.

Und denn wers a de Zyyt das me die zwei (Mörgeli, Blocher) zur Recheschafft zieht. De Wähler muess leider zerscht merke was für ein Mischt das er gwählt het.

Zurriburri
21-10-2003, 00:48
D'Blocher find ich kän unfähigä Politiker und au kein Hampelma....

Er häts vo ganz ganz unä zum viellicht mächtigschtä Schwiizer bracht............

Dä Berlusconi und au d'Amis, würdet ihn niemals isoliere........:D

choulette
21-10-2003, 09:43
Zurri-Bueb, wänn scho immer wieder mit Chile chunnsch, dänn lueg doch emal aa, was diä superneoliberal Wirtschaftspolitik unter em Pinochet aagrichtet hätt!

Ihr Wirtschaftsfanatiker tänked immer so huere churzfrischtig und gsehnd nume no d'prozäntzahle vom Wachstum. Immer meh immer schnäller!

Und jetzt lueg emal d'Wirtschaft in Chile aa. Klar, nach usse gsehts nöd schlächt us. Aber d'Realität isch doch, dass ganz, ganz wenig Lüüt viel Gäld händ und de grossi Reschte isch immer meh am verarme. De Mittelstand gits scho fascht nüme. Die landeseigeni Produktion isch fascht nüme vorhande, well dur d'Liberalisierig alli Importzöll ufghobe gsie sind. De Service public isch privatisiert, das heisst, en Telefonaaschluss hätt sich bis zum Handy-Boom niemer chöne leischte. Sozialversicherige sind praktisch nöd existent. D'Universitäte sind fascht alli privat und choschtet es Vermöge a Gebühre so wiä alli wiiterführende Schuele. Oeffentlichi Primarschule und Sekundarschule werdet immer schlächter und die besser verdienende schicket ihri Kids i Privatschuele. Und s'Gsundheitswäse erbringt die guete Leischtige nur wämmer Gäld hätt.

Ohni Gägedruck git keine vo dene riche Säck au nur es bitzeli vo sim Kapital ab! Soziali Verantwortig für d'Gsellschaft will niemer freiwillig übernäh. Und wänn dänn irgendwo so es ufezüchtets Gefüege zämebricht, dänn muess d'Gsellschaft de Schade träge und nöd irgenden Ex-Milliardär, wo sini Rückversicherig scho lang neume andersch deponiert hätt.

Was isch dänn mit em soziale Friede? Wänn de Grabe zwüsche Riiche und Arme immer grösser wird füehrt das unweigerlich zu Unruh, d'Lüüt sind einiges schlächter motiviert, zum ihren Biitrag leischte, Mitspracherächt und flachi Hierarchie sind eh nöd gfräget (genau wiä im Oschtblock wänd ja die Kapitalhirsche au kei Mitspracherächt vo Untergäbene und ihri Lüüt möglichscht abhängig und "funktionierend" halte). Vo de Löhn müemer gar nöd rede, liäber es prozäntli meh gwünnuusschüttig als fairi Löhn, gäll?

Ja, und im Momänt probiert die sozialistischi Regierig in Chile alles wieder uufzbaue, wo de Wirtschaftsliberalismus kaputt gmacht hätt.
Well e starchi Wirtschaft elei bewürkt nämli gar nüt!

sim_btbw
21-10-2003, 10:58
Original geschrieben von Zurriburri

Dä Berlusconi und au d'Amis, würdet ihn niemals isoliere........:D

ob d'Politik wo die 2 Herre mache bruuchbar isch, cha me sich drüber strite! Die 2 sind doch einzig druff bedacht, ihri Schöfli ins trockene z'bringe, vo däm här cha me die guet mit em Blocher zämme tue!


Uff dr andere Sitte, wärs scho interessant mit em Herr Blocher im Bundesroot, schliesslich zeichnet sich das Gremium durchs Kollegialitätsprinzip uss, d.h. einer für alle, alle für einen, do muess sich denn au e Herr Blocher aapasse!

Zurriburri
21-10-2003, 11:29
Original geschrieben von choulette
Zurri-Bueb, wänn scho immer wieder mit Chile chunnsch, dänn lueg doch emal aa, was diä superneoliberal Wirtschaftspolitik unter em Pinochet aagrichtet hätt!

Ja, Chile isch richschte Land vo Südamerika und wirtschaftlich am stabilschte....



Original geschrieben von choulette

Ihr Wirtschaftsfanatiker tänked immer so huere churzfrischtig und gsehnd nume no d'prozäntzahle vom Wachstum. Immer meh immer schnäller!

Und jetzt lueg emal d'Wirtschaft in Chile aa. Klar, nach usse gsehts nöd schlächt us. Aber d'Realität isch doch, dass ganz, ganz wenig Lüüt viel Gäld händ und de grossi Reschte isch immer meh am verarme. De Mittelstand gits scho fascht nüme. Die landeseigeni Produktion isch fascht nüme vorhande, well dur d'Liberalisierig alli Importzöll ufghobe gsie sind. De Service public isch privatisiert, das heisst, en Telefonaaschluss hätt sich bis zum Handy-Boom niemer chöne leischte. Sozialversicherige sind praktisch nöd existent. D'Universitäte sind fascht alli privat und choschtet es Vermöge a Gebühre so wiä alli wiiterführende Schuele. Oeffentlichi Primarschule und Sekundarschule werdet immer schlächter und die besser verdienende schicket ihri Kids i Privatschuele. Und s'Gsundheitswäse erbringt die guete Leischtige nur wämmer Gäld hätt.

Im rescht vo südamerika sch äs no 10x schlimmer.....

Und das mit dä schule, hämmer i dä Schwiiz au scho.....Z.B. Chinder us em Chreis 5, gönd so guet wie nöd is Gymmi und au schwiizwiit am schlechtischte...


Original geschrieben von choulette

Ohni Gägedruck git keine vo dene riche Säck au nur es bitzeli vo sim Kapital ab! Soziali Verantwortig für d'Gsellschaft will niemer freiwillig übernäh. Und wänn dänn irgendwo so es ufezüchtets Gefüege zämebricht, dänn muess d'Gsellschaft de Schade träge und nöd irgenden Ex-Milliardär, wo sini Rückversicherig scho lang neume andersch deponiert hätt.

Du chasch dä Riche nöd eifach s?Gäld wegnäh... si händ d'möglichkeite, uszwandere oder sgeld i sicherheit z'bringe...

es wird immer äs Land gäh, wo die Richä gern ufnimt.....


Original geschrieben von choulette

Was isch dänn mit em soziale Friede? Wänn de Grabe zwüsche Riiche und Arme immer grösser wird füehrt das unweigerlich zu Unruh, d'Lüüt sind einiges schlächter motiviert, zum ihren Biitrag leischte, Mitspracherächt und flachi Hierarchie sind eh nöd gfräget (genau wiä im Oschtblock wänd ja die Kapitalhirsche au kei Mitspracherächt vo Untergäbene und ihri Lüüt möglichscht abhängig und "funktionierend" halte). Vo de Löhn müemer gar nöd rede, liäber es prozäntli meh gwünnuusschüttig als fairi Löhn, gäll?

Wenn viel Richi nöd sozial denked, somdern im gegeteil immer giiziger werded und meh und nomeh wäd, isch das keis Problem vom dä freie Markwirtschaft, sondern s'urmenschliche Problem vo dä Habgier.............



Original geschrieben von choulette

Ja, und im Momänt probiert die sozialistischi Regierig in Chile alles wieder uufzbaue, wo de Wirtschaftsliberalismus kaputt gmacht hätt.
Well e starchi Wirtschaft elei bewürkt nämli gar nüt!

Schtimmt doch überhaupt nöd.... Gang emal uf Kuba... Niened in ganz Latinamerika häd dä Dollar soviel wärt wiä in Kuba.....

In Kuba chasch ALLES mit Geld chaufe.... Stolz kenäd Kubaner nüme....

Klar isch vieles dä Amis ihri Schuld, anber diä frei Marktwirtschaft isch s'beschte Syschtem...

Giiz und Habgier sind keis Phänomen vom Kapitalismus, das gits leider i jedem Syschtem..............

Zurriburri
21-10-2003, 11:38
Original geschrieben von sim_btbw
Uff dr andere Sitte, wärs scho interessant mit em Herr Blocher im Bundesroot, schliesslich zeichnet sich das Gremium durchs Kollegialitätsprinzip uss, d.h. einer für alle, alle für einen, do muess sich denn au e Herr Blocher aapasse!

:d:... Denk ich au..........

D'Blocher würd sich scho benäh im Bundesrat............

Und diä andere Staate, würded eus chum boykottiere...

Suscht gits nämlich dä glich Effekt, wiä damals bi dä Öschtricher bim Haider...

S'ganze Land hät sich mit dä Regierig solidarisiert....

Wenn dä Blocher grundlos würd boykottiert werde, würd sich das Schwiizervolk nöd gfalle la.... Wenn er Mischt bout, denn isch es OK...

choulette
21-10-2003, 13:26
Original geschrieben von Zurriburri
Schtimmt doch überhaupt nöd.... Gang emal uf Kuba... Niened in ganz Latinamerika häd dä Dollar soviel wärt wiä in Kuba.....

In Kuba chasch ALLES mit Geld chaufe.... Stolz kenäd Kubaner nüme....



Jetzt hör aber uf! Wieso gahts dänn Kuba so schlächt?
Ueberall in Lateinamerika, wo au nume en Huuch vo Sozialismus a d'Macht chunnt, hebet d'Yankees ihri Finger drii. Chile, El Salvador, Nicaragua, Venezuela usw.
Und das nöd bi sozialistische Diktature, sondern bi demokratisch gwählte Regierige.

Ich glaub, diä Diskussion führt nienends ane.

Söll doch de Blocher in Bundesrat, dänn muess er äntli mal konkreti Lösige präsentiere, det langts nöd, dass mit em Finger uf en Sündebock zeigsch und luut schreisch. Mal luege, öb das Krokodil au Eier leit oder nume mit sine chalte Glotzauge Opfer uusmacht und zueschnappt.

sim_btbw
21-10-2003, 13:40
Original geschrieben von choulette
Söll doch de Blocher in Bundesrat, dänn muess er äntli mal konkreti Lösige präsentiere, det langts nöd, dass mit em Finger uf en Sündebock zeigsch und luut schreisch. Mal luege, öb das Krokodil au Eier leit oder nume mit sine chalte Glotzauge Opfer uusmacht und zueschnappt.

Genau das bringts uff e Punkt!

Als Bundesroot wär är zwunge aktiv z'wärde, und miesst sich gliichzitig em Kollektiv unterstelle. D.h. är muess e konsensfähigi Politik mache und könnt ebbe nid eifach :zeter:

Orbitoz
21-10-2003, 13:44
Original geschrieben von choulette
...
Söll doch de Blocher in Bundesrat, dänn muess er äntli mal konkreti Lösige präsentiere, det langts nöd, dass mit em Finger uf en Sündebock zeigsch und luut schreisch. Mal luege, öb das Krokodil au Eier leit oder nume mit sine chalte Glotzauge Opfer uusmacht und zueschnappt.

Gnau so gsehts us. Um en zweite SVP-Sitz im Bundesrat wird me wohl nöd drum umecho. Und eigentlich isch es nüt als konsequent, das de Blocher sälber i Pflicht gno wird. Ob das aber guet chunt, näbed em Couchepin nomal sones Alphatier im BR z'ha, bezwiifle ich.

Was mir ehnder ächli Sorge macht isch d'Ussag vom Maurer am letschte Sunntig, das d'SVP ihri (die vom Volk/Bürger angeblich gwünschti) Politik duredrucke wott. Aber halloooo!? Ein Viertel immerhin hät links gwählt, und die wänd sicher kei SVP-Politik (ich au nöd ;) ).

Ergo: zwei völlig gägesätzlichi Pol wo s'Risiko gross isch, das mer sich gägesiitig blockiert.

Bis jetzt hät d'SVP nonig unbedingt als staatstragendi Partei glänzt. Verhinderigspolitik um jede Priis, de eigne Exekutivmitglieder in Rugge falle (Ogi, Schmid, Huber in Züri) isch nöd würkli s'Rezäpt für e konstruktivi Regierigsbeteiligung. In so fern wärs konsequänter total i d'Opposition z'gah. Aber au e Opposition bruucht schlüssigi, durchfüerbari und breit abgstützti Lösigskonzept und nöd nur Stammtisch-Parole.

sim_btbw
21-10-2003, 13:50
aber genau das zeigt doch d'Haltig vo dr SVP, eifach emol e Rundumschlag und drum wirds eigentlich Zyt, dass die au emol öppis mien leischte.......

PS: z'Basel hett übrigens nid nur e Viertel links gwählt, sondern meh als e Drittel! -> 3 SP Sitz, 1 SVP, 1 FDP!

choulette
21-10-2003, 13:59
Und öb das Volkes Stimme isch, bezwiefli sowieso. Bi eusere Wahlbeteiligung chasch ja gar nöd vo Volkswille rede. Und ich gang eh devo us, dass vor allem d'SVPler fliessigi Urnegänger sind. (Wänns nur au mal i de Urne steckebliebe würdet ...) Wänn mir Wahlzwang hetted und meh Jungi würdet ga wähle, würds s'Resultat au andersch usgseh.
De Blocher mit 150'000 Stimme hätt zwar am meischte garniert, aber eigentli sind ja 150'000 Stimme nüüt!

Orbitoz
21-10-2003, 14:01
Wäred d'Stadt Züri und Winterthur en eigne Kanton, würds ähnlich usgseh und de Ständerat würd Estermann (SP) heisse ;)

D'SVP holt ihri Stimme uf em Land - me chönt au salopp säge: a de Stammtisch im Leue, Sterne, Bahnhöfli und wie's alli heissed ;)

Zurriburri
21-10-2003, 14:58
Original geschrieben von choulette
Und öb das Volkes Stimme isch, bezwiefli sowieso. Bi eusere Wahlbeteiligung chasch ja gar nöd vo Volkswille rede. Und ich gang eh devo us, dass vor allem d'SVPler fliessigi Urnegänger sind. (Wänns nur au mal i de Urne steckebliebe würdet ...) Wänn mir Wahlzwang hetted und meh Jungi würdet ga wähle, würds s'Resultat au andersch usgseh.
De Blocher mit 150'000 Stimme hätt zwar am meischte garniert, aber eigentli sind ja 150'000 Stimme nüüt!

Wers nöd gat goge Schtime, därf au nöd motze............

Wers sis demokratische rächt nöd wahr nimmt, isch eh kän richtige Demokrat........ Demokratie funktoniert nämlich nur, wänn d'Lüt au gönd goge Schtime....

Z'fuul zum Wähle, denn söd mehr grundsätzlich d'Schnurre zu hebä..........

Zurriburri
21-10-2003, 15:03
Original geschrieben von Orbitoz
Wäred d'Stadt Züri und Winterthur en eigne Kanton, würds ähnlich usgseh und de Ständerat würd Estermann (SP) heisse ;)

Winti isch im freie Fall, kontinuirlich am undergah.........

D'Stadt wär ohni s'Geld vom Kanton au scho lang pleite............

Usserdem bringt än Stadtzürcher Ständerat nüd, dänn genau im Stöckli isch dä Anti-Züri-Effekt am schtärchschte..... Danke Basel;-)



Original geschrieben von Orbitoz

D'SVP holt ihri Stimme uf em Land - me chönt au salopp säge: a de Stammtisch im Leue, Sterne, Bahnhöfli und wie's alli heissed ;)

Schtimme vo dä Büezer also............ Frühner händ diä no d'SP gwählt...

Tja, aber d'SP isch scho lang kei Büezer-Partei meh......... Lehrer, Psychologe und allgemein Stürgeldlohnbezüger, das isch d'SP................

choulette
23-10-2003, 21:43
z'Züri schneepflotschtst...
Das isch morn sicher gruusig und all wo suscht im Autostau hocked, drängled sich is Tram. :rolleyes:

sim_btbw
24-10-2003, 14:33
Original geschrieben von choulette
z'Züri schneepflotschtst...
Das isch morn sicher gruusig und all wo suscht im Autostau hocked, drängled sich is Tram. :rolleyes:

Basel mädet ähnlichi Verhältnis!

Es het mi jedenfalls vo de Socke ghaue wo ich hüt Morge (aehm eher Mittag) aufgstande bi und die wisse Dächer geseh ha, zerscht han ich jo aagnoh, das sige no Noochwirkige vo geschter Zobe, aber dem war nicht so:eek:

Orbitoz
24-10-2003, 16:07
Soso, Nachwürkige vo geschter Abig? Seit mer dem jetzt so? :D

Du muesch halt früener is Näscht und nöd bis d'Vögel pfiiffed zmitzt under de Wuche Party mache ;)

sim_btbw
24-10-2003, 17:04
Wie denn, wenn de Bsuech us em Ussland (welche Land ist das?) hesch.

Ich ha schliesslich die halb Nacht Entwickligs-Hilf betriebe:D

Orbitoz
24-10-2003, 17:08
Und? Hät sich öppis entwicklet us dinere Entwickligshilf? Ich han immer gmeint, d'Basler bruuched Entwickligshilf - aber umgekehrt isch ja au guet.

sim_btbw
24-10-2003, 18:21
Jo, ich muess sage, är het sich guet ghalte:D und het isch zum Glück als Entwickligsfähig usegstellt!


(und das als Zürcher:D )

Bebbi
24-10-2003, 20:32
morn fot d herbschtmäss a.am liebschte gang i an peti go e raclette ässe.....:freu:

Orbitoz
25-10-2003, 14:48
Original geschrieben von baslerin27
morn fot d herbschtmäss a.am liebschte gang i an peti go e raclette ässe.....:freu:

Vill Spass an eure Herbschtmäss! (und suuf nöd z'vill Fendant zum Raclette ;) )

choulette
28-10-2003, 10:19
Also bevor das da jetzt ganz iischlaft, beklag ich mich liäber wiiterhin über das arschchalte Wätter!
Ich hasse Winter!
Und dänn sind diä doofe Winterschueh und -mäntel au no schweineteuer!!!

Bebbi
28-10-2003, 10:43
Original geschrieben von Orbitoz
Vill Spass an eure Herbschtmäss! (und suuf nöd z'vill Fendant zum Raclette ;) )

he,sicher nit,ich trink kei wyy,nie!!wenn denn bier,aber das han i hinter mir.trink nur no sälte bier,ha 2joor jede daag 10 fläsche trunke und zimlich zuegno.jetz trink i sit 2 joor nümm und ha wieder 54kg.bier setzt bi mir so a.und vorallem han i vil scheisse baut,wenn i bsoffe gsi bi.
ha geschter zobe dehei raclette gha.aber am petersplatz isch dr bescht raclette stand wo ich immer ane gang.am sunntig sin mer schnäll go e wurscht ässe.isch aber gruusig gsi.

uf bahne gang i nägscht wuche.wär isch scho gsi?wie isch die dark-hole bahn?

Zurriburri
28-10-2003, 10:50
Original geschrieben von baslerin27
.am sunntig sin mer schnäll go e wurscht ässe.isch aber gruusig gsi.


Basler-Bratwurst...:LOL:

sim_btbw
28-10-2003, 11:33
Original geschrieben von baslerin27
uf bahne gang i nägscht wuche.wär isch scho gsi?wie isch die dark-hole bahn?

Ich gang si villicht hüt go teschte.....krieg no Bsuech us em Ussland (:D ) dä jag ich denn glaub druff:engel:

aber sunnsch hetts das Joohr ächt nur langwiiligs Züüg, abgseh vo däre dark-hole hetts jo gar nüt neus!:zeter:

kangoo
28-10-2003, 13:07
und ich ha grad e Cervelats (ou sorry, e Chlöpfer) gässe uf em Münsterplatz und denn no es megafeins Wacker-Chäschüechli.... Jetzt liit no e Sack Magebrot im Bürotisch, und hoffe, dass ich no lang cha widersto... ;)

sim_btbw
28-10-2003, 13:15
Original geschrieben von kangoo
und ich ha grad e Cervelats (ou sorry, e Chlöpfer) Schwein gha :D


gässe uf em Münsterplatz und denn no es megafeins Wacker-Chäschüechli.... Jetzt liit no e Sack Magebrot im Bürotisch, und hoffe, dass ich no lang cha widersto... ;)


do krieg ich Hunger:zeter: Wieso isch die blödi Mäss so wyt vo mim Büro wäg!:zeter:

kangoo
28-10-2003, 13:38
Ha gmeint du schaffsch i de nöchi vo de heuwoog? Bisch demfall nid du. Naja ich muess au is Tram gumpe... aber bi dem schöne Wätter hani eifach müesse go.

sim_btbw
28-10-2003, 13:47
Original geschrieben von kangoo
Ha gmeint du schaffsch i de nöchi vo de heuwoog? Bisch demfall nid du. Naja ich muess au is Tram gumpe... aber bi dem schöne Wätter hani eifach müesse go.

Doch das bi scho iich (mir hänn jo scho wahnsinnig privati Sache usstuscht:D ). Leider het d'Mittagspause hüt nid glängt für an MüPla/Peti, am Barfi gitts doch nur no dä doofi Eiche-Stand, dört sinn d'Würscht so gruusig:rolleyes:

Aber ich ha hüt z'Obe jo no Glägeheit (und no 200g brennti Mandle in dr Schublade, das tuets au:D )

kangoo
28-10-2003, 13:52
ich lis me als dass ich schrib, aber irgendwie hani das no im Chopf wo verzellt hesch, dass i de Nöchi vom Paddy's schaffsch, wos drum gange isch, dass e huufe "Ire" umenand sind.......
Wünsch dir höt Obe uf jede Fall viel Spass.... :trink:

sim_btbw
28-10-2003, 15:43
Original geschrieben von kangoo
ich lis me als dass ich schrib, aber irgendwie hani das no im Chopf wo verzellt hesch, dass i de Nöchi vom Paddy's schaffsch, wos drum gange isch, dass e huufe "Ire" umenand sind.......
Wünsch dir höt Obe uf jede Fall viel Spass.... :trink:

Aha, so e Mit-läser:D

was ich in däm IOFF immer alles verzell:engel:

Orbitoz
29-10-2003, 19:31
Original geschrieben von sim_btbw
Aha, so e Mit-läser:D

was ich in däm IOFF immer alles verzell:engel:

Tsja, solang du nöd alles verzellsch isch ja no guet :D

boogy76
30-10-2003, 11:05
:kater:

Ich ha im Fall geschter sicher ali Ständ an dr Mäss usprobiert....

kangoo
30-10-2003, 12:56
Original geschrieben von boogy76
:kater:

Ich ha im Fall geschter sicher ali Ständ an dr Mäss usprobiert....

Alles durenand gässe / trunke und denn no uf Bahne gange??? :D
Denn gächts mim Chopf aber au schlächt ;)
Guti Besserig..............

sim_btbw
30-10-2003, 15:29
Das isch doch dr typischi Mäss-Zwiespalt.....

Ich weiss nie, söll ich zerscht ässe, oder uff d'Bahne will mir bi däne Ständ bim verbiilaufe scho s'Wasser im Muul zämmelauft! Aber ich ha festgschtellt, dass mi Maage relativ robuscht isch nur d'Schoggi-Ananas goht definitiv erscht nach de Bahne:D

boogy76
30-10-2003, 15:54
Ich gang us Prinzip immer zerscht uff d'Bahne..:D Denn gits e Bier und Happahappa..

Bim Rosental het's im Fall ganz e geili Bahn....:trippel: Die goht so richtig ins Hirni...

kangoo
30-10-2003, 16:30
Wo isch denn s'"Rosental"? Kasärne? (Bi leider nid so ortskundig)

sim_btbw
30-10-2003, 16:38
Bi dr Muschtermäss, dä rundi Platz mit de Bäum wo ame au dr Zirkus Knie etc. isch!

kangoo
30-10-2003, 16:43
ou, merci, und jetzt wos seisch, chunts mer i Sinn, dass ich das au scho ghört ha. Demfall bini sogar a dere Bahn verbi gloffe. Ha mi aber nid gachtet. Bi am Sonntig Nomitag gsi. Het sauviel Lüüt gha.

Orbitoz
02-11-2003, 17:49
Typisch Schwiiz, nüt los im Land - und prompt isch tote Hose da im Thread ;) Wänns eu Basler nöd würd gäh würd sit Tage ja gar nüt laufe.

Zurriburri
02-11-2003, 18:02
In Züri passiert scho öppis...

Aber leider nur no Unfäll....:(

Basilea
02-11-2003, 18:47
Mer chönnted jo wider emol e chlini politischi Diskussion aafange :teufel:

sim_btbw
02-11-2003, 20:08
joo, denn reede mir doch über dr herr blocher und sii zuekunft als bundesroot:D

Orbitoz
02-11-2003, 20:12
Nei, lieber nöd... aber z'verhindere wirds wohl nöd si

sim_btbw
02-11-2003, 20:16
Original geschrieben von Orbitoz
Nei, lieber nöd... aber z'verhindere wirds wohl nöd si

doch, doch, doch, sunnsch gang ich in d'opposition:zeter:

Orbitoz
02-11-2003, 20:17
Lueg jetzt lieber de Tatort, Sim ;) ... bevor in d'Opposition gahsch

sim_btbw
02-11-2003, 20:28
Du weisch doch, mir Frau könne au 2 Sache gliichzitig mache:D

Orbitoz
02-11-2003, 20:44
Ich gar nöd meh, ich han nur no Schnee ufem TV :zeter: offebar isch d'Satellite-Aanlag down bi öis. :hammer:

sim_btbw
02-11-2003, 21:57
jo, Züri halt:D

Färnseh luege isch jo eh nid gsund!

Basilea
04-11-2003, 08:15
Ich wünsch emol allne Miteidgenosse en guete Morge! :)

Basel, Hochbel und die Frisur.... na ja :D

Orbitoz
04-11-2003, 08:26
Hallo Miteidgenossin :wink: Au en guete Morgä

Region Züri: Sunnig, aber chalt (und mini Frisur isch mer im Momänt egal :D )

kangoo
04-11-2003, 09:14
z'Züri isch es am Morge am halbi nüni scho sunnig????? :D

Guete Morge einewäg :wink:

Orbitoz
04-11-2003, 09:16
Ja du, unglaublich aber wahr :D Han mine Auge sälber fascht nöd trout.

sim_btbw
04-11-2003, 10:07
Original geschrieben von Orbitoz
Ja du, unglaublich aber wahr :D Han mine Auge sälber fascht nöd trout.

muesch es aber fescht gniesse, morn hänn Dir sicher wieder Näbel-Suppe:D


aber eigentlich find ich so strahlendi Herbschttäg unter dr Wuche gemein:zeter:

Orbitoz
04-11-2003, 10:34
Original geschrieben von sim_btbw
muesch es aber fescht gniesse, morn hänn Dir sicher wieder Näbel-Suppe:D


aber eigentlich find ich so strahlendi Herbschttäg unter dr Wuche gemein:zeter:

Ich han defür wieder Dauer-Bohrmaschine-Meis... :mad: aber ich weiss jetzt wenigschtens, was die am baschtle sind.

sim_btbw
04-11-2003, 11:41
Hey, falsche Thread:D

do kha ich jo no lang im Meet&Greet warte........:rolleyes:

und, was bohre si denn jetzt? Gitts tatsächlich e neui Sallatelite-Aalag?

Orbitoz
04-11-2003, 11:47
Ah, du bisch deht gsi... also, dänn gömmer halt übere :D

Basilea
04-11-2003, 15:09
15 Uhr, Basel, http://www.mainzelahr.de/smile/wetter/sun2.gif und die Frisur.... lömmer das

Es wär so en schöne Taag zum uff d Herbschtmäss z go, aber ich muess wider voll umeschtresse :heul:
Bringt mer öpper wenigschtens e chli brennti Mandle verby? :bitte:

sim_btbw
04-11-2003, 15:20
Hallo Basilea

Rot emol, was ich grad am mampfe bi:freu:

Ich ha ebbe au dänggt, wenn ich bi däm Wätter scho nid kha go d'Mäss gniesse, muess ich mi wenigschtens mit öppis Siessem tröschte:D

kangoo
04-11-2003, 15:26
ich will auuuuu ................:heul:
Aber morn, morn goni a Häfelimärt und denn gits e huufe feini Sache... :D

sim_btbw
04-11-2003, 15:46
ou jo, am Petis bin ich jo immer nonig gsii:eek:

Zum Glück goht das no e Wuche, villicht schaff ich s jo am Mäntig, quasi in letschter Minute:D

Zurriburri
04-11-2003, 19:10
De Moritz hät gührate......

Trauzüüge isch de Stöhlker gsi...:D